Laxmi Stotram Lyrics, लक्ष्मी स्तोत्रं लिरिक्स | श्री महालक्ष्मी अष्टक स्तोत्रं

Laxmi Stotram Lyrics, लक्ष्मी स्तोत्रं लिरिक्स | श्री महालक्ष्मी अष्टक स्तोत्रं

यहाँ पढ़ें श्रीलक्ष्मी स्तोत्रम्

सिंहासनगत: शक्रस्सम्प्राप्य त्रिदिवं पुन: |
देवराज्ये स्थितो देवीं तुष्टावाब्जकरां तत: ||1||

इन्द्र उवाच

नमस्ये सर्वलोकानां जननीमब्जसम्भवाम्|
श्रियमुन्निद्रपद्माक्षीं विष्णुवक्ष:स्थलस्थिताम्||2||

पद्मालयां पद्मकरां पद्मपत्रनिभेक्षणाम्|
वन्दे पद्ममुखीं देवीं पद्मनाभप्रियामहम्||3||

त्वं सिद्धिस्त्वं स्वधा स्वाहा सुधा त्वं लोकपावनी |
सन्ध्या रात्रि: प्रभा भूतिर्मेधा श्रद्धा सरस्वती ||4||

यज्ञविद्या महाविद्या गुह्यविद्या च शोभने |
आत्मविद्या च देवि त्वं विमुक्तिफलदायिनी ||5||

आन्वीक्षिकी त्रयी वार्ता दण्डनीतिस्त्वमेव च |
सौम्यासौम्यैर्जगद्रूपैस्त्वयैत्तद्देवि पूरि

का त्वन्या त्वामृते देवि सर्वयज्ञमयं वपु: |
अध्यास्ते देवदेवस्य योगिचिन्त्यं गदाभृत: ||7||

त्वया देवि परित्यक्तं सकलं भुवनत्रयम्|
विनष्टप्रायमभवत्त्वयेदानीं समेधितम्||8||

दारा: पुत्रास्तथागारसुहृद्धान्यधनादिकम्|
भवत्येतन्महाभागे नित्यं त्वद्वीक्षणान्नृणाम्||9||

शरीरारोग्यमैश्वर्यमरिपक्षक्षय: सुखम् |
देवि त्वद्दृ्ष्टिदृष्टानां पुरुषाणां न दुर्लभम् ||10||

त्वं माता सर्वलोकानां देवदेवो हरि: पिता |
त्वयैतद्विष्णुना चाम्ब जगद्व्याप्तं चराचरम् ||11||

मा न: कोशं तथा गोष्ठं मा गृहं मा परिच्छदम् |
मा शरीरं कलत्रं च त्यजेथा: सर्वपावनि ||12||

मा पुत्रान्मा सुहृद्वर्गं मा पशून्मा विभूषणम् |
त्यजेथा मम देवस्य विष्णोर्वक्ष:स्थलालये ||13||

सत्त्वेन सत्यशौचाभ्यां तथा शीलादिभिर्गुणै: |
त्यज्यन्ते ते नरा: सद्य: सन्त्यक्ता ये त्वयामले ||14||

त्वया विलोकिता: सद्य: शीलाद्यैरखिलैर्गुणै: |
कुलैश्वर्यैश्च युज्यन्ते पुरुषा निर्गुणा अपि ||15||

स श्लाघ्य: स गुणी धन्य: स कुलीन: स बुद्धिमान्|
स शूर: स च विक्रान्तो यस्त्वया देवि वीक्षित: ||16||

सद्यो वैगुण्यमायान्ति शीलाद्या: सकला गुणा: |
पराड़्मुखी जगद्धात्री यस्य त्वं विष्णुवल्लभे ||17||

न ते वर्णयितुं शक्ता गुणांजिह्वापि वेधस: |
प्रसीद देवि पद्माक्षि मास्मांस्त्याक्षी: कदाचन ||18||

श्रीपराशर उवाच

एवं श्री: संस्तुता सम्यक् प्राह देवी शतक्रतुम् |
श्रृण्वतां सर्वदेवानां सर्वभूतस्थिता द्विज ||19||

परितुष्टास्मि देवेश स्तोत्रेणानेन ते हरे |
वरं वृणीष्व यस्त्विष्टो वरदाहं तवागता ||20||

इन्द्र उवाच

वरदा यदि मे देवि वरार्हो यदि वाप्यहम् |
त्रैलोक्यं न त्वया त्याज्यमेष मेsस्तु वर: पर: ||21||

स्तोत्रेण यस्तथैतेन त्वां स्तोष्यत्यब्धिसम्भवे |
स त्वया न परित्याज्यो द्वितीयोsस्तु वरो मम ||22||

श्रीरुवाच

त्रैलोक्यं त्रिदशश्रेष्ठ न सन्त्यक्ष्यामि वासव |
दत्तो वरो मया यस्ते स्तोत्राराधनतुष्टया ||23||

यश्च सायं तथा प्रात: स्तोत्रेणानेन मानव: |
मां स्तोष्यति न तस्याहं भविष्यामि पराड़्मुखी ||24||

||इति श्रीविष्णुमहापुराणे श्रीलक्ष्मी स्तोत्रं सम्पूर्णम्||

लक्ष्मी जी की मुर्ति व लक्ष्मी जी से संबंधित वस्तुएं स्पेशल डिस्काउंट के साथ कम से कम कीमत में खरीदने के लिए नीचे क्लिक करें :-

1. लक्ष्मी गणेश की मूर्ति
2. लक्ष्मी माता श्रृंगार सेट
3. दीपावली सजावट के सामान
4. लक्ष्मी Locket
5. लक्ष्मी यंत्र
6. Devotional Music Box
7. Devotional Gift Set
8. पूजन सामग्री