लीलण प्यारी तेजाजी महाराज भजन लिरिक्स, Lilan Pyari Lyrics

लीलण प्यारी तेजाजी महाराज भजन लिरिक्स, Lilan Pyari Lyrics

यहाँ – लीलण प्यारी तेजाजी महाराज भजन लिरिक्स, Lilan Pyari Lyrics दिया गया है-

लीलण म्हारी जाइजे जाइजे,
गढ़ खरनाले शहर,
कोई गढ खरनाले शहर,
भाभल ने निवण देवजे ||

ओ तेजाजी कैया जावा,
खाली म्हारी पीठ,
कोई सुनी म्हारी पीठ,
मावड़ली देशी ओळबा ||

ओ लीलण म्हारी कहिजे कहिजे,
साचोडा समचार,
तू तो साचोडा समचार,
नजरा सु देखी केवजो ||

ओ तेजाजी ऐडा काई ,
लिखिया विधाता लेख,
म्हारा लिखिया विधाता लेख,
तेजल सु छेटी में पड़ा ||

ओ लीलण म्हारी राखो राखो,
मनड़ा माहि धीर,
कोई हिवड़ा माहि धीर,
स्वर्गा में मिलसी जिवडा ||

ओ तेजाजी था बिन ,
म्हारे जीवन को नहीं सार,
म्हारे जीवन को नहीं सार,
लीलण भी संग में चालसी ||

ओ लीलण म्हारी में थारो चंदो ,
तू म्हारी है चकोर,
म्हारे काळजिया री कोर,
मानु में थाने जिव री जड़ी ||

ओ लीलण म्हारी मत ना तू तो ,
आसुडा ढलकाय,
मत आसुडा ढलकाय,
तेजल रो कापे जिवडो ||

लीलण म्हारी जाइजे जाइजे ,
गढ़ खरनाले शहर,
कोई गढ खरनाले शहर,
भाभल ने निवण देवजे ||